वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते.
वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले.
छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे,
विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक संजय लोखंडे, मा. उपसरपंच तबाजी लोखंडे, शिवसेना (उ.बा.ठा ) उपशाखाप्रमुख शिवाजी भोर आणि मोठ्या संख्येने शिवभक्त उपस्थित होते. वळती ग्रामपंचायत, ग्रामस्थ आणि शिवभक्तांच्या वतीने सदर कार्यक्रम आयोजित करण्यात आला.
छत्रपती शिवाजी महाराज हे युगपुरुष आणि आपले प्रेरणास्थान आहे. अतिशय उत्साहात आणि आनंदात राज्याभिषेक दिन साजरा होत आहे. महाराजांनी केलेले कार्य अलौकिक आहे, त्यांनी महाराष्ट्राची अस्मिता जागवली, स्वराज्य निर्माण करून शेतकऱ्यांना, कष्टकऱ्यांना न्याय दिला. सर्व जाती - धर्माला एकत्र करून स्वाभिमानाचे बीज रुजवले. रयतेचे राज्य यावे ही महाराजांची शिकवण होती, महाराजांच्या विचाराचे सुराज्य येणे, ही आताच्या काळाची गरज आहे. (धोंडिभाऊ भोर, तालुकाध्यक्ष, राष्ट्रवादी काँग्रेस, शरदचंद्र पवार, आंबेगाव)