Skip to main content

शरद पवारांची मंचरमध्ये सभा, निकम समर्थकांमध्ये उत्साह

समर्थ भारत वृत्तसेवा



मंचर ता. ५ : सात महिन्यांपूर्वी राष्ट्रवादी काँग्रेस पक्षामध्ये उभी फूट पडल्यानंतर, शरद पवारांचे अत्यंत विश्वासू सहकारी असलेल्या दिलीपराव वळसे पाटील यांनी शरद पवारांची साथ सोडत अजित पवारांसोबत घरोबा केला होता. ही बाब शरद पवारांच्या जिव्हारी लागली होती. त्यानंतर शरद पवारांनी राष्ट्रवादी सोडून भाजप सोबत गेलेल्या नेत्यांच्या मतदारसंघात जाऊन त्यांची पोलखोल करण्याचे जाहीर केले होते. या पोलखोल मोहिमेची सुरुवात विद्यमान सहकार मंत्री दिलीपराव वळसे पाटील यांच्या मतदारसंघातून करणार असल्याचेही त्यांनी जाहीर केले होते. मात्र राज्यातील अनेक राजकीय, सांस्कृतिक आणि सामाजिक घडामोडींमुळे या मोहिमेला ब्रेक लागला होता. 

या पोल खोल मोहिमेमध्ये अन्न आणि नागरी पुरवठा मंत्री छगन भुजबळ यांचा येवला मतदार संघ आणि धनंजय मुंडे यांच्या बीड मधील सभा वगळता अन्य ठिकाणी सभा झाल्या नव्हत्या. आता लोकसभा निवडणुकीच्या पार्श्वभूमीवर राष्ट्रवादीचे सर्वेसर्वा शरद पवार यांनी पुन्हा या मोहिमेला मंचर मधून सुरुवात करण्याचे ठरवले असून. मंचर मध्ये होणाऱ्या सभेत ते सहकार मंत्री दिलीपराव वळसे पाटील यांच्यावर काय बोलणार याकडे सर्वांचे लक्ष लागले आहे.

या सभेला राष्ट्रवादीचे प्रदेशाध्यक्ष आमदार जयंत पाटील आणि खासदार डॉ. अमोल कोल्हे देखील उपस्थित असणार आहेत. सहकारमंत्री दिलीपराव वळसे पाटील यांनी पवारांची साथ सोडल्यानंतर आंबेगाव शिरूर विधानसभा मतदार संघात देवदत्त निकम यांची शरद पवार आणि राष्ट्रवादीच्या पहिल्या फळीतील नेत्यांशी जवळीक वाढण्याचे पाहायला मिळत असून, आंबेगाव शिरूर विधानसभेसाठी देवदत्त निकम हेच उमेदवार असल्याचे मानले जात आहे. 

शिरूर लोकसभा मतदार संघात माजी खासदार शिवाजीराव आढळराव पाटील यांनी देखील सहकार मंत्री दिलीपराव वळसे पाटील आणि भाजप सोबत चांगलेच जुळवून घेतले असून; एकमेकांना पाण्यात पाहणारे शिवाजीराव आढळराव पाटील आणि सहकार मंत्री दिलीपराव वळसे पाटील यांनी प्रत्येक वेळी एकमेकांना पूरक राजकारण करून मतदारसंघातील दुसऱ्या फळीतील नेत्यांना संगनमताने संपविण्याचे काम केले असल्याचे बोलले जात आहे. 

दरम्यान शरद पवारांनी खासदार कोल्हे यांना पुन्हा लोकसभेच्या तयारीला लागण्याचे आदेश दिले आहेत. त्यामुळे वळसेंना लक्ष्य करताना ते खासदार कोल्हेंच्या निवडणूक प्रचाराचा अप्रत्यक्ष नारळही त्यांच्या मतदारसंघातील या सभेत फोडतील, असा अंदाज आहे. खासदार कोल्हेंनी शरद पवारांना साथ दिल्याने ते पु्न्हा शिरुरमधून कसे निवडून येतात, ते पाहतोच असे खुले आव्हान नुकतेच अजित पवारांनी दिले आहे. दुसरीकडे शिरुरमध्ये शरद पवारांचेही दौरे वाढले असून गेल्या महिन्याभरात ते दोनदा जु्न्नरला येऊन गेले. आता तिसऱ्यांदा ते येत आहेत. त्यातून त्यांनी अजित पवारांनी खासदार कोल्हेंना दिलेले चॅलेंज स्वीकारल्याचे दिसून येत आहे. शरद पवारांनी देखील शिरुर मतदारसंघ प्रतिष्ठेचा केला असल्याचे चित्र आहे.



पॉप्युलर

आम आदमी पक्षाचे सालीम इनामदार पोलिसांच्या ताब्यात

  मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते.  जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

वळतीमध्ये शिवराज्याभिषेक सोहळा उत्साहात संपन्न

  वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले.  छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

सहकारमंत्री दिलीप वळसे पाटील पाय घसरून पडले, हाताला आणि पाठीला दुखापत

समर्थ भारत वृत्तसेवा मंचर ता. २८ : राज्याचे सहकार मंत्री दिलीप वळसे पाटील काल संध्याकाळी आपल्या राहत्या घरातच पाय घसरून पडल्याने त्यांच्या हाताला आणि पायाला गंभीर स्वरूपाची दुखापत झाली आहे! त्यांच्यावर रुग्णालयात प्राथमिक उपचार केले असून आता त्यांची प्रकृती स्थिर आहे. मात्र गरज पडल्यास त्यांच्यावर शस्त्रक्रिया केली जाऊ शकते असं म्हणत डॉक्टरांनी त्यांना पुढील काही दिवस विश्रांतीचा सल्ला दिलाय. लोकसभा निवडणुकांच्या पार्श्वभूमीवर सहकार मंत्री दिलीप वळसे पाटील यांच्यावर अजित पवार गटाने मोठी जबाबदारी सोपवली होती मात्र वळसे पाटील यांना विश्रांती घ्यावी लागणार असल्याने नुकतेच राष्ट्रवादी काँग्रेस पक्षात दाखल झालेले माजी खासदार शिवाजीराव आढळराव पाटील यांचे टेन्शन वाढले आहे.  वीस वर्षांपूर्वी दिलीप वळसे पाटलांची साथ सोडत शिवसेनेत दाखल झालेले शिवाजीराव आढळराव पाटील यांनी राज्याचे उपमुख्यमंत्री अजित पवार, सहकार मंत्री दिलीप वळसे पाटील, प्रदेशाध्यक्ष सुनील तटकरे, महिला आयोगाच्या अध्यक्षा रुपाली चाकणकर, आ. दिलीप मोहिते, आ. अतुल बेनके, मा. आ. पोपटराव गावडे आदी मान्यवरांच्या उपस्थितीत राष्ट्रवादी...