आंबेगाव तालुक्यात दुर्गा ब्रिगेडची कार्यकारणी जाहीर अध्यक्षपदी मनीषा गावडे यांची निवड

समर्थ भारत वृत्तसेवा:

महिलांना मोठ्या प्रमाणात गृहउद्योग तसेच टेक्निकल कपन्यांमध्ये अद्योगिक क्षेत्रात रोजगार उपलब्ध करून महिलांचे सबलिकारण होण्यासाठी महिलांच्या न्याय हक्क, अन्याय या विरुद्ध लढण्यासाठी आंबेगाव तालुक्यात 'फोरम ऑफ स्मॉल स्केल इंडस्ट्रिज असोसियशनचे अध्यक्ष, मेट्रो रेल्वे चे ब्रँड ऍम्बसिडर छावा संघटनेचे अध्यक्ष अभयदादा भोर तसेच दुर्गाताई भोर यांच्या अध्यक्षतेखाली भोसरी या ठिकाणी नियुक्ती पत्र देऊन आंबेगाव तालुका दुर्गा ब्रिगेड कार्यकारणी जाहीर करण्यात आली.

यावेळी अभय दादा भोर यांनी महिलांना विविध टेक्निकल कंपन्यानमध्ये भेट देऊन महिलांना कसा रोजगार उपलब्ध करून देता येईल याचे मार्गदर्शन केले व आंबेगावची कार्यकारणी जाहीर केली त्यात अध्यक्षपदी गावडेवाडीच्या आदर्श राष्ट्रपती पुरस्कार प्राप्त सरपंच मनीषा ताई संतोष गावडे यांची निवड झाली. तसेच उपाध्यक्ष पदी प्रमिलाताई टेमगिरे, सचिव वैशाली थोरात, खजिनदार पदी राणी शहाणे , सरचिटणीस प्रीती भालेराव, उपसरचिटणीस अश्विनी बागल,संघटक प्रमुख ज्योती येवले, संघटक प्रमुख अनिता भालेराव यांची नियुक्ती झाली. आंबेगाव तालुक्यात जास्तीत जास्त महिलांच्या हाताला काम देऊन रोजगार उपलब्ध करून देण्यासाठी महिलांच्या न्याय हक्कासाठी ही दुर्गा ब्रिगेड संघटना नेहमी प्रयत्न शील राहील असे अध्यक्ष गावडे ताई यांनी यावेळी सांगितले.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...