भीमाशंकर मंदिर परिसरात पुजाऱ्यांमध्ये लाठ्याकाठ्यांनी हाणामारी

घोडेगाव प्रतिनिधी:

भीमाशंकर येथे पुजाऱ्यांमध्ये लाठ्याकाठ्यांनी फ्री स्टाईल हाणामारी पाहायला मिळाली. शिवलिंगावर अभिषेक, पुजा करुन फुले वाहणाऱ्या पुजारी गुरव यांच्यामध्ये पुजेच्या संधीवरुन वाद झाला. हा वाद विकोपाला गेल्याने एकमेकांवर लाठ्या-काठ्या आणि लोखंडी रॉडने हल्ला करीत मारहाण केल्याचा खळबळजनक प्रकार भीमाशंकर मंदिर परिसरात घडला. या प्रकरणानंतर दोन्ही बाजूच्या 36 पुजाऱ्यांवर गुन्हे दाखल करण्यात आले आहेत. शंकर गंगाराम कौदरे (वय 65 रा. खरोशी, ता. खेड) यांनी दिलेल्या तक्रारीवरुन 21 जणांविरोधात तर गोरक्ष यशवंत कौदरे (रा. भीमाशंकर, ता. खेड) यांच्या तक्रारीवरुन विरोधी गटातील 15 जणांविरोधात गुन्हा दाखल करण्यात आला आहे. दरम्यान, भाविकांसमोरच हा प्रकार घडल्याने मंदिर प्रशासनाची मान शरमने खाली गेली आहे.

भीमाशंकर मंदिर गाभारा आणि परिसरात असलेल्या शनि मंदिरात पुजा करण्यावरुन पुजाऱ्यांमध्ये वाद आहेत. सोमवारी दुपारी भाविकांच्या रांग लागलेल्या असताना हा वाद विकोपाला गेला. एका गटाने पुजेला बसलेला पुजाऱ्यांना उठवून तिथला ताबा घेण्याचा प्रयत्न केला. त्यामुळे दोन गटात फ्री स्टाईल हाणामारी सुरू झाली. लाठ्याकाठ्या, लोखंडी पाईप, खुर्ची जे हातात येईल त्याने मारामारी सुरू झाली. या प्रकाराबाबात मंदिर प्रशासनाचे अध्यक्ष सुरेश कौदरे यांना विचारले असता, त्यांनी सांगितले की पुजा चालू असताना पुजेत अडथळा आणण्याचा जाणीवपूर्वक प्रयत्न झाला. मात्र, यावर सामोपचाराने तोडगा काढण्यात येईल. सर्व लोक आमचचे आहेत. असं सांगण्यात आले आहे.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...