उदापूर मध्ये बिबट्याची दहशत भर दिवसा मेंढरांच्या कळपावर केला हल्ला.

समर्थ भारत वृत्तसेवा.

बनकर फाटा, ता.२७ : उदापूर येथील कुलवडेमळा, अमुपमळा, मोरेशेत, चौधरी वाडी, या वाड्या वस्त्यांवर बिबट्याने गेली आठ ते दहा दिवसांपासून चांगलीच दहशत निर्माण केली आहे सहा दिवसांपूर्वीच अमुपमळा येथील हनुमंत अमुप यांच्या वासरावर सायंकाळी साडेसहा वाजण्याच्या दरम्यान बिबट्याने हल्ला केला होता. तेव्हापासून या परिसरात बिबट्याने ठाण मांडले आहे. त्यामुळे येथील ग्रामस्थ चांगलेच भयभीत झाले आहे.

दिनांक २७ रोजी भर दुपारीच कुलवडे मळा येथील भेंडीखाली संजय चोरआंबले यांचा मेंढ्यांचा कळप सावलीला बसला असताना बिबट्याने त्यांच्यावर हल्ला केला यावेळी प्रसंगअवधान राखत मेंढपाळाने बिबट्याच्या दिशेने काठी भिरकावली आणि आरडाओरडा केल्यामुळे बिबट्याने तिथून धूम ठोकली सुदैवाने कुठलीही जीवित हानी झाली नाही परंतु यात एक मेंढरू व वासरू हे किरकोळ जखमी झाले आहे.

याबाबतची माहिती वन अधिकारी वैभव काकडे यांना दिली असता यांनी तातडीने घटनास्थळी टीम पाठवून पाहणी केली व अमुपमळा येथे पिंजरा लावण्यात आला आहे. तसेच कुलवडेमळा येथील संदीप कुलवडे, संपत कुलवडे, सचिन कुलवडे, अनिकेत सस्ते, या ग्रामस्थांनी देखील पिंजरा लावण्याची मागणी केली आहे.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...