ग्रामीण आदिवासी भागातील गावांमध्ये मुलींची सुरक्षा समिती स्थापन.

प्रतिनिधी: मिथुन मोजाड

राष्ट्रीय स्थायी विकास संस्था (NISD) ही सेवाभावी संस्था असून जुन्नर तालुक्यातील आदिवासी व ग्रामीण विभागामध्ये मेट्रोपोलीस प्रकल्प अंतर्गत किशोरवयीन मुलीसोबत' किशोरी प्रकल्प राबवत आहे असे विजयकुमार शिंदे यांनी सांगितले व हा प्रकल्प संस्था अध्यक्ष डॉ. प्रकाश पाळंदे यांच्या मार्गदर्शनानुसार २० गावांमध्ये व वाड्या वस्तीवर प्रकल्प सुरू आहे.

या प्रकल्प अंतर्गत मुलींच्या सर्वांगीण विकासासाठी नेतृत्वगुण विकास कौशल्य कार्यक्रम, गर्ल क्लब, महिला बचत गट , शालेय व आरोग्य विषयक प्रशिक्षणे, मुलींना सॅनिटरी पॅड व डिस्पोजल मशीन वाटप, स्टेशनरी, परसबाग विषयी प्रशिक्षण व वाटप इत्यादी सारखे अनेक समाजशील उपक्रम राबवित आहे.

त्याचाच एक भाग म्हणून १५ ते २० गावांमध्ये मुलींची सुरक्षा राष्ट्रीय स्थायी विकास संस्थे अंतर्गत स्थापन केले आहे. या मीटिंगमध्ये मुलींच्या सुरक्षेचा आढावा वेळोवेळी घेतला जात असून त्यांच्या समस्या व समस्यांचे निराकरण करण्यासाठी संस्था सतत प्रयत्नशील असते. यामध्ये मुलींच्या शालेय व आरोग्य समस्या तसेच बालविवाह व मुलींचे हक्क याबाबत सतत मुलींना मार्गदर्शन मिळत आहे.

यावेळी सितेवाडी गावचे लोक नियुक्त सरपंच दिपाली पाटेकर, पुणे वैभव चे पत्रकार मिथुन मोजाड, पोलीस पाटील विक्रम मोजाड, श्याम जगताप शालेय समिती अध्यक्ष, अंगणवाडी सेविका यावेळी उपस्थित होत्या.

सर्व ग्रामस्थांकडून या उपक्रमाचे स्वागत केले जात आहे.

पॉप्युलर

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

चास नारोडी परिसरात विजेचा बट्ट्याबोळ, अधिकाऱ्यांचे वर बोट

समर्थ भारत वृत्तसेवा घोडेगाव ता. २७ : चास नारोडी (ता. आंबेगाव) येथे सततच्या विजेच्या लपंडवामुळे नागरिक पुरते हैराण झाले आहेत. गुरुवारी (ता. २५) रात्री आणि शुक्रवारी (ता. २६) दिवसभर असे मिळून तब्बल २४ तासांच्या जवळपास वीज गेल्याने चास आणि परिसरातील नागरिकांना मोठा मनस्ताप सहन करावा लागला. ऐन उन्हाळ्यात सूर्य आग ओकत असताना महावितरणच्या गलथान कारभारामुळे चास आणि परिसरातील नागरिक घामाघूम झाले आहेत. उन्हाळा असल्यामुळे राज्यभरात विजेची गरज मोठ्या प्रमाणात वाढली असून, ही गरज भागविणे शक्य नसल्याने अनेक ठिकाणी काही वेळेसाठी भारनियमन केले जाते. हे भारनियमन काही तासांपुरते असते; मात्र चास आणि नारोडी परिसरात महावितरणचे अधिकारी भारनियमन नेमके किती आहे; याविषयी देखील निश्चित काही बोलताना दिसत नाहीत. बऱ्याचदा रात्रभर, दिवसभर आणि अनेकदा दोन दोन दिवस विजेचा सतत लपंडाव सुरू असल्याने; परिसरातील नागरिक पुरते वैतागले आहेत. विजेचा सतत लपंडाव सुरू असल्याने, वयोवृद्ध नागरिक, रुग्ण, लहान मुले सगळ्यांनाच उकाड्याचा प्रचंड त्रास सहन करावा लागत असून विजेच्या समस्येमुळे शेतीमालाला वेळेवर पाणी देणे शक्य होत नसल...

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.