मेघालय लर्निंग टूर साठी आलेल्या सदस्यांचा पंचायत महिला लोकप्रतिनिधींसोबत संवाद

प्रतिनिधी: प्रमिला टेमगिरे, थोरांदळे

दि 19 ऑक्टोबर 2022 रोजी मेघालय सरकार, जिल्हा प्रकल्प व्यवस्थापन युनिटच्या अधिकारी व सदस्यांचा अभ्यास दौरा दिनांक 19 व 20 ऑक्टोबर रोजी पुणे जिल्ह्यातील आंबेगाव तालुक्यात आयोजित करण्यात आला होता.

पहिल्या दिवशी दिनांक 19 ऑक्टोबर रोजी मंचर येथील हॉटेल स्वराज येथे या टीमची पुणे जिल्ह्यातील निवडक महिला सरपंच, सदस्य, महिला पोलीस पाटील व महिला ग्रामसेवक यांच्यासोबत बैठक आयोजित करण्यात आली होती. या बैठकीमध्ये महिलांचा गाव पातळीवरील कारभारातील सहभाग, त्यांना येणाऱ्या समस्या, त्यांनी त्यावर कशी मात केली तसेच राजकारणात उतरल्यानंतर त्यांच्यामध्ये व समाजामध्ये झालेला बदल, त्यांचा लोकं केंद्री व महिला केंद्री गाव विकासातील सहभाग या विषयावर चर्चा झाली.

मेघालय जिल्हा प्रकल्प अधिकारी शुहूनजी व डनांगजी यांनी ही मेघालय राज्यातील महिलांची स्थिती, त्यांचा गाव विकासातील सहभाग यावर माहिती दिली.

कार्यक्रमाचे प्रास्ताविक महिला राजसत्ता असोसिएशनच्या पश्चिम महाराष्ट्र विभागीय समन्वयक सुनंदा मांदळे यांनी केले. यावेळी आर. एस सी .डी .चे कार्यक्रम समन्वयक दत्ताभाऊ गुरव यांनी उपस्थितांना मार्गदर्शन केले .

यावेळी पंचायत फेडरेशनच्या जिल्हाध्यक्षा निलम जिजाभाऊ टेमगिरे, सचिव पुनम आल्हाट, कार्याध्यक्ष रूपालीताई कार्ले, महिला राजसत्ता आंदोलनाच्या पुणे जिल्हा संघटिका लता मेंगडे उपस्थित होत्या.

सूत्रसंचालन पुणे सावित्री अकादमी जिल्हा समन्वयक सुरय्या पठाण व अभ्यास दौऱ्याचे समन्वय मयुरी लाड यांनी केले. पंचायत फेडरेशनच्या सदस्या वर्षा नवघरे यांनी आभार प्रदर्शन केले.

" महाराष्ट्रातील नेतृत्व आलेल्या महिलांनी त्यांची ऊर्जा अशीच टिकून ठेवावी" असा संदेश उपस्थित मेघालय अधिकारी शुहून मॅडम व डनांग सर यांनी उपस्थित महिलांना दिला.

पॉप्युलर

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

चास नारोडी परिसरात विजेचा बट्ट्याबोळ, अधिकाऱ्यांचे वर बोट

समर्थ भारत वृत्तसेवा घोडेगाव ता. २७ : चास नारोडी (ता. आंबेगाव) येथे सततच्या विजेच्या लपंडवामुळे नागरिक पुरते हैराण झाले आहेत. गुरुवारी (ता. २५) रात्री आणि शुक्रवारी (ता. २६) दिवसभर असे मिळून तब्बल २४ तासांच्या जवळपास वीज गेल्याने चास आणि परिसरातील नागरिकांना मोठा मनस्ताप सहन करावा लागला. ऐन उन्हाळ्यात सूर्य आग ओकत असताना महावितरणच्या गलथान कारभारामुळे चास आणि परिसरातील नागरिक घामाघूम झाले आहेत. उन्हाळा असल्यामुळे राज्यभरात विजेची गरज मोठ्या प्रमाणात वाढली असून, ही गरज भागविणे शक्य नसल्याने अनेक ठिकाणी काही वेळेसाठी भारनियमन केले जाते. हे भारनियमन काही तासांपुरते असते; मात्र चास आणि नारोडी परिसरात महावितरणचे अधिकारी भारनियमन नेमके किती आहे; याविषयी देखील निश्चित काही बोलताना दिसत नाहीत. बऱ्याचदा रात्रभर, दिवसभर आणि अनेकदा दोन दोन दिवस विजेचा सतत लपंडाव सुरू असल्याने; परिसरातील नागरिक पुरते वैतागले आहेत. विजेचा सतत लपंडाव सुरू असल्याने, वयोवृद्ध नागरिक, रुग्ण, लहान मुले सगळ्यांनाच उकाड्याचा प्रचंड त्रास सहन करावा लागत असून विजेच्या समस्येमुळे शेतीमालाला वेळेवर पाणी देणे शक्य होत नसल...

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.