डेक्कन पोलीसांनी खुनाच्या गुन्हयातील अज्ञात आरोपींचा शोध घेत २४ तासाच्या आत केले जेरबंद.

मंचर प्रतिनिधी:

डेक्कन पोलीस ठाण्याच्या हद्दीमध्ये असणाऱ्या लाकडी पूल व झेड ब्रिजच्यामध्ये मुठा नदीच्या बाजूला परिसरात अनोळखी इसमाला जखमी करून खून करण्यात आला.यावेळी डेक्कन पोलिसांनी तपासाची सूत्रे हलवत २४ तासाच्या आत आरोपींना बेड्या ठोकल्या.याप्रकरणी मयत इसमाच्या वडिलांनी डेक्कन पोलीस ठाण्यात फिर्याद दाखल केली.

याबाबत सविस्तर वृत्त असे की, सोमवार दिनांक २६ सप्टेंबर २०२२ रोजी डेक्कन पोलीस ठाण्याच्या हद्दीमध्ये असणाऱ्या लाकडी पूल व झेड ब्रिजच्यामध्ये मुठा नदीच्या बाजूला असलेल्या नदीपात्र जवळील परिसरात अनोळखी इसम बेशुद्ध व जखमी अवस्थेत पडला असल्याची माहिती डेक्कन पोलिसांना मिळाली.सदर माहिती मिळताच वरिष्ठ पोलीस निरीक्षक मुरलीधर करपे व डेक्कन पोलीस स्टाफ माहिती मिळालेल्या ठिकाणी रवाना झाले.सदर इसमास कोणीतरी अज्ञात लोकांनी धारदार शस्त्रांनी वार करून ठार मारले आहे.मयत झालेल्या इसमास व मारेकरी यांना प्रत्यक्षात पाहणारे साक्षीदार व सीसीटीव्हीद्वारे मिळालेल्या माहितीच्या आधारे संशयित आरोपींना पोलिसांनी ताब्यात घेतले.१) नरेश गणेश दळवी (वय.३० वर्ष), २) अजय शंकर(वय.२५ वर्ष), समीर कैलास कारके (वय.२६ वर्ष) सर्व रा.उर्से, ता.मावळ, जि.पुणे या आरोपींना त्यांच्या राहत्या असलेल्या परिसरातून ताब्यात घेतले असून सदर आरोपींनी केलेल्या गुन्ह्याची कबुली दिली आहे.आरोपींना खुनाच्या गुन्ह्यामध्ये अटक करण्यात आली आहे.

पुढील अधिक तपास सहाय्यक पोलीस निरीक्षक चोरमले करत आहेत.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.