शेतीच्या वादातून भावानेच भावाला केली मारहाण.

घोडेगाव प्रतिनिधी:

घोडेगाव पोलीस ठाण्याच्या हद्दीत असलेल्या नारोडी रा.हुले स्थळ नंबर.१, ता.आंबेगाव,जि.पुणे येथे शेताच्या बांधावर शेतीच्या वादातून नामदेव कोंडीबा हुले (वय .५७ वर्षे) यांना त्यांच्या भावाने खोऱ्याच्या दांडक्याने मारहाण केल्याची घटना दिनांक.१८ मे २०२२ रोजी घडली आहे.याबाबत घोडेगाव पोलीस ठाण्यात सहा जणांवर गुन्हा दाखल करण्यात आला आहे.

याबाबत पोलिसांनी दिलेली सविस्तर माहिती अशी की,फिर्यादी नामदेव हुले हे दिनांक.१८ रोजी नारोडी गावच्या हद्दीत हुले स्थळ येथे शेताच्या बांधावरून शेळ्या घेऊन जात असताना त्यांचा भाऊ सोपान हरिभाऊ हुले यांनी मि शेत नांगरले आहे तुयेथून जायचे नाही आणि तुला काय करायचे कर अशी धमकी देत लाथा बुक्क्यांनी मारहाण केली.तसेच भाऊ दत्तात्रय कोंडीबा हुले,पुतणे शुभम दत्तात्रय हुले,अमोल सोपान हुले,शोभा सोपान हुले,सारिका अमोल हुले,सर्वजण रा.हुलेस्थळ नारोडी,ता.आंबेगाव यांनी फिर्यादीस खाली पाडून लाथा बुक्य्यांनी मारहाण केली.त्यावेळी सोपान हुले याने हातातील खोऱ्याच्या लाकडी दांड्याने फिर्यादीस मारहाण केली आहे.त्यावेळी फिर्यादी यांची पत्नी भांडण सोडवण्यासाठी गेली असता तिलादेखील धक्काबुक्की आणि शिवीगाळ करण्यात आली.यावेळी फिर्यादीस पुन्हा शेतात दिसलास तर तुला जिवंत ठेवणार नाही अशी धमकी देण्यात आली आहे.

याबाबत नामदेव कोंडीबा हुले यांनी घोडेगाव पोलीस ठाण्यात फिर्याद दाखल केली आहे.पुढील तपास पोलीस निरीक्षक जीवन माने यांच्या मार्गदर्शनाखाली सहाय्यक फौजदार यादव करत आहेत.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...

बत्तीस वर्षीय महिला चार वर्षाच्या मुलीसह बेपत्ता

समर्थ भारत वृत्तसेवा: विजय कानसकर पारगाव कारखाना.( ता आंबेगाव ) मुळ रा रोकडेतांडा ता चाळिसगाव जि जळगाव, येथील बत्तीस वर्षीय विवाहित महिला आपल्या चार वर्षाच्या मुलीसह बेपत्ता झाल्याची घटना रविवारी सकाळी सहा वाजता उघडकीस आली. या प्रकरणी पतीने दिलेल्या तक्रारीवरून पारगाव कारखाना पोलीस स्टेशन मध्ये हरवल्याची नोंद करण्यात आली आहे. पारगाव कारखाना येथील राहते झोपडीतून सुरेखा सुरेश जाधव बत्तीस वर्षीय विवाहित महिला चार वर्षीय मुलगी सलोनी सुरेश जाधव या चिमकुलीसह कोणाला काही न सांगता अचानक घरातून निघून गेली. आजूबाजूच्या परिसरामध्ये व नातेवाईकांकडे शोध घेण्यात आला. परंतु ती कोठेच आढळून आली नाहीं. या प्रकरणी महिलेचा पती सुरेश मोरसिंग जाधव यांनी आपली पत्नी व मुलगी हरवल्याची तक्रार दाखल केली आहे. पारगाव पोलीस ठाण्याचे सहाय्यक पोलीस निरीक्षक यांच्या मार्गदर्शनाखाली पोलीस हवालदार किर्वे पुढील तपास करत आहे.