समर्थ भारत न्यूज नेटवर्क:
शिरपूरमध्ये पोलिसांनी
तलवारी जप्त करत चार जणांना ताब्यात घेतले आहे. पोलीस पेट्रोलिंग करत असताना
शिरपूरकडून धुळ्याच्या दिशेने भरधाव वेगाने येणाऱ्या स्कॉर्पिओ क्र. एमएच ०९ सीएम ००१५ ला सोनगीर पोलिसांनी थांबवण्याचा
प्रयत्न केला. मात्र, परंतु गाडी चालकाने गाडी न थांबवता जोराने पळवली
म्हणून पोलिसांचा संशय बळावला व त्यांनी पाठलाग करून सदर गाडी थांबवून विचारणा
केली. त्यांनतर गाडीत असलेल्या चार जणांची झाडाझडती घेतली असता तब्बल ९० तलवारी आढळून
आल्या. याप्रकरणी सोनगीर पोलिसांनी तत्काळ चारही आरोपींना ताब्यात घेऊन पुढील तपास
सुरू केला आहे. तर तलवारीही जप्त केल्या आहेत. आरोपी हे चित्तोडगड येथून ९० तलवारी
जालना येथे घेऊन जात असल्याचे समोर आले आहे.
