जुगार खेळणाऱ्या महिलेला पोलिसांनी पकडले रंगेहाथ

मंचर प्रतिनिधी:

मंचर पोलीस ठाण्याच्या हद्दीत मंचर भोरवाडी,ता.आंबेगाव,जि.पुणे येथे अव्वैधरीत्या सोरट नावाच्या जुगाराचा मुद्देमाल जवळ बाळगून खेळत असताना व इतरांना खेळण्यास भाग पाडत असल्याची मंचर पोलिसांनी रविवार दि.२७ फेब्रुवारी २०२२ रोजी गुन्ह्याची नोंद केली आहे.

याबाबत सविस्तर माहिती अशी की मंचर पोलीस ठाण्याच्या हद्दीत मंचर भोरवाडी,ता.आंबेगाव,जि.पुणे याठिकाणी अव्वैधरीत्या सोरट नावाच्या जुगाराचा मुद्देमाल जवळ बाळगून खेळत असताना व इतरांना खेळण्यास भाग पाडत असल्याची माहिती मंचर पोलिसांना गुप्त बातामिदारामार्फात समजली असता याबाबत पंच घेऊन घटनास्थळी जाऊन कारवाई करण्यास मंचर पोलीस ठाण्याचे निरीक्षक पोलीस निरीक्षक यांनी पोलीस स्टाफ यांना सांगण्यात आले.

रविवार दि.२७ फेब्रुवारी २०२२ रोजी मौजे भोरवाडी,ता.आंबेगाव,जि.पुणे गावच्या हद्दीत बैलगाडा घाटाच्या पूर्व बाजूला असणाऱ्या झाडाच्या आडोशाला दोषी महिला ताई बबन पवार (वय २१ वर्षे)सध्या राहणार.खराबवाडी,अभिनव हॉस्पिटलजवळ ता.आंबेगाव,जि.पुणे हिने एक आयताकृती लांबीचा बोर्ड त्यावर छत्री,बॉल,फुलपाखरू यांसारखे इतर चिन्ह असे वेगवेगळे १२ चिन्हे असलेला आणि त्यावर श्री साई नाव लिहिलेला बोर्ड एक निळ्या रंगाचा कागदी चार्ट आणि त्यावर PAPPU PLAYING PICTURES असे नाव असलेला त्यावर निळ्या व गुलाबी रंगाच्या चिठ्ठ्या चिकटवलेला कागदाचा चार्ट तसेच रोख रक्कम ३९००/- रुपये अशा वर्णनाचा सोरट नावाच्या जुगाराचा मुद्देमाल जवळ बाळगून खेळत असताना व इतरांना खेळण्यास भाग पाडत असताना हि महिला मिळून आली आहे सदर माहिती पोलिसांना समजली असता त्यांनी घटनास्थळी जाऊन रंगेहाथ पकडले सदर महिलेविरुद्ध गुन्हा दाखल केला असून पुढील तपास पोलीस हवालदार करत आहे.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.