ग्रामपंचायत शिंगवे,जिल्हा परिषद प्राथमिक शाळा शिंगवे येथे ध्वजारोहन उत्साहात साजरा

प्रतिनिधी:समीर गोरडे

शिंगवे ता आंबेगाव येथील ग्रामपंचायत, जिल्हा परिषद प्राथमिक शाळा, भैरवनाथ विद्यालय,विकास सोसायटी येथे ७३ वा प्रजासत्ताक दिन कोरोनाच्या पार्श्वभूमीवर मोजक्याच लोकांच्या उपस्थिती मध्ये साजरा करण्यात आला .

यावेळी ग्रामपंचायत शिंगवे येथे सरपंच सिता पवार यांच्या हस्ते व जिल्हा परिषद प्राथमिक शाळा येथे शालेय व्यवस्थापन समितीचे अध्यक्ष वैजनाथ येंथे यांच्या हस्ते ध्वजारोहण करून ध्वजाला मानवंदना दिली.

यावेळी सरपंच उपसरपंच पोलिस पाटील ग्रामविकास अधिकारी ग्रामपंचायत सदस्य, शालेय व्यवस्थापन समितीचे सदस्य, शिक्षक, ग्रामस्थ उपस्थित होते .

ग्रामस्थांनी ऑनलाईन पद्धतीने ग्रामसभा घेण्यास विरोध दर्शवत सभा रद्द केली आहे .

ग्रामस्थांनी शासनाचे सर्व नियम पाळून ऑफलाइन पद्धतीने ग्रामसभा घेण्यास शासनाने परवानगी द्यावी अशी मागणी शिंगवे येथील ग्रामस्थांनी केली आहे.

गावातील अनेक समस्या विविध प्रश्न गावातील पाणी रस्ते या सारखे मूलभूत प्रश्नही ग्रामसभेत समोरासमोर बसून सोडवता येतात ते ऑफलाइन पद्धतीने कसे मांडायचे हा प्रश्न उपस्थित करत या ग्रामस्थांनी ऑनलाइन सभा रद्द केली आहे शासनाने पुढील काही दिवसात ऑफलाइन पद्धतीने ग्रामसभा घेण्यास परवानगी द्यावी अशी मागणी ग्रामस्थांनी केली आहे आठवडे बाजार राजकीय सभा यासह विविध कार्यक्रमाला परवानगी मिळते मग ऑफलाइन ग्रामसभेला परवानगी का मिळत नाही असा प्रश्न उपस्थित करीत ग्रामस्थांनी ग्रामसभा रद्द केली आहे

पॉप्युलर

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

चास नारोडी परिसरात विजेचा बट्ट्याबोळ, अधिकाऱ्यांचे वर बोट

समर्थ भारत वृत्तसेवा घोडेगाव ता. २७ : चास नारोडी (ता. आंबेगाव) येथे सततच्या विजेच्या लपंडवामुळे नागरिक पुरते हैराण झाले आहेत. गुरुवारी (ता. २५) रात्री आणि शुक्रवारी (ता. २६) दिवसभर असे मिळून तब्बल २४ तासांच्या जवळपास वीज गेल्याने चास आणि परिसरातील नागरिकांना मोठा मनस्ताप सहन करावा लागला. ऐन उन्हाळ्यात सूर्य आग ओकत असताना महावितरणच्या गलथान कारभारामुळे चास आणि परिसरातील नागरिक घामाघूम झाले आहेत. उन्हाळा असल्यामुळे राज्यभरात विजेची गरज मोठ्या प्रमाणात वाढली असून, ही गरज भागविणे शक्य नसल्याने अनेक ठिकाणी काही वेळेसाठी भारनियमन केले जाते. हे भारनियमन काही तासांपुरते असते; मात्र चास आणि नारोडी परिसरात महावितरणचे अधिकारी भारनियमन नेमके किती आहे; याविषयी देखील निश्चित काही बोलताना दिसत नाहीत. बऱ्याचदा रात्रभर, दिवसभर आणि अनेकदा दोन दोन दिवस विजेचा सतत लपंडाव सुरू असल्याने; परिसरातील नागरिक पुरते वैतागले आहेत. विजेचा सतत लपंडाव सुरू असल्याने, वयोवृद्ध नागरिक, रुग्ण, लहान मुले सगळ्यांनाच उकाड्याचा प्रचंड त्रास सहन करावा लागत असून विजेच्या समस्येमुळे शेतीमालाला वेळेवर पाणी देणे शक्य होत नसल...

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.