आगामी लोकसभा निवडणुकीसाठी महेश लांडगेंची शिरूरमध्ये मोर्चेबांधणी सुरू

पिंपरी-चिंचवड प्रतिनिधी:

शिरुर लोकसभा मतदारसंघात शिरूर-हवेली, खेड, जुन्नर, आंबेगावसह हडपसर व भोसरी विधानसभा मतदारसंघ समाविष्ट आहेत. यात भोसरी विधानसभा सोडली तर पाचही विधानसभा मतदारसंघात राष्ट्रवादीचे आमदार तर भोसरीमध्ये भाजपचे महेशदादा लांडगे विजयी झाले होते. शिरूर लोकसभेमध्ये राष्ट्रवादीचे खासदार डॉ. अमोल कोल्हे हे प्रतिनिधित्व करीत आहेत. २०२४ मध्ये होणा-या लोकसभेसाठी इच्छुकांनी मोर्चेबांधणी सुरू केली असतानाच भाजप पक्षानेही यात आघाडी घेतली आहे.

२७ नोव्हेंबर रोजी आमदार महेशदादा लांडगे यांचा वाढदिवस होता. लांडगे हे भोसरी विधानसभेचे प्रतिनिधित्व करीत असतानासुद्धा त्यांचे शिरूर लोकसभा मतदारसंघात प्रत्येक गावात मोठ्या प्रमाणात फ्लेक्सची बॅनरबाजी करण्यात आली. या बॅनरमध्ये दिल्ली येथील संसद भवनचे बॅकग्राउंड व आपला महेशदादा मावळा शिवनेरीचा, भावी खासदार शिरूरचा अशा आशयाचे हे फ्लेक्स सगळीकडे लक्ष वेधून घेत आहे. त्यातच येणा-या काळात साखर कारखाने, जिल्हा परिषद, पंचायत समिती, मार्केट कमिटी या निवडणुकीत भाजपने तरुणांच्या मनातील आमदार महेशदादा यांच्या रूपाने ताकद मिळणार असल्याचे या फ्लेक्सच्या माध्यमातून चित्र तयार झाले आहे.

पक्षाने उमेदवारी दिली तर लोकसभा लढविणार : आमदार महेश लांडगे

भोसरीचे आमदार महेश लांडगे यांच्या वाढदिवसाचे बॅनर शिरूर लोकसभा मतदारसंघात मोठ्या प्रमाणात लागले असल्याने याबाबत महेश लांडगे यांना विचारले असता त्यांनी मी कोणालाही भावी खासदार म्हणून बॅनर टाकण्यास सांगितले नाही; मात्र कार्यकर्त्यांचे पाठबळ व पक्षाने लोकसभेची उमेदवारी दिली तर नक्कीच लोकसभा निवडणूक लढविणार असल्याचे भोसरी विधानसभेचे आमदार महेश लांडगे यांनी सांगितले.

पॉप्युलर

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

चास नारोडी परिसरात विजेचा बट्ट्याबोळ, अधिकाऱ्यांचे वर बोट

समर्थ भारत वृत्तसेवा घोडेगाव ता. २७ : चास नारोडी (ता. आंबेगाव) येथे सततच्या विजेच्या लपंडवामुळे नागरिक पुरते हैराण झाले आहेत. गुरुवारी (ता. २५) रात्री आणि शुक्रवारी (ता. २६) दिवसभर असे मिळून तब्बल २४ तासांच्या जवळपास वीज गेल्याने चास आणि परिसरातील नागरिकांना मोठा मनस्ताप सहन करावा लागला. ऐन उन्हाळ्यात सूर्य आग ओकत असताना महावितरणच्या गलथान कारभारामुळे चास आणि परिसरातील नागरिक घामाघूम झाले आहेत. उन्हाळा असल्यामुळे राज्यभरात विजेची गरज मोठ्या प्रमाणात वाढली असून, ही गरज भागविणे शक्य नसल्याने अनेक ठिकाणी काही वेळेसाठी भारनियमन केले जाते. हे भारनियमन काही तासांपुरते असते; मात्र चास आणि नारोडी परिसरात महावितरणचे अधिकारी भारनियमन नेमके किती आहे; याविषयी देखील निश्चित काही बोलताना दिसत नाहीत. बऱ्याचदा रात्रभर, दिवसभर आणि अनेकदा दोन दोन दिवस विजेचा सतत लपंडाव सुरू असल्याने; परिसरातील नागरिक पुरते वैतागले आहेत. विजेचा सतत लपंडाव सुरू असल्याने, वयोवृद्ध नागरिक, रुग्ण, लहान मुले सगळ्यांनाच उकाड्याचा प्रचंड त्रास सहन करावा लागत असून विजेच्या समस्येमुळे शेतीमालाला वेळेवर पाणी देणे शक्य होत नसल...

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.