पब्जीच्या नाद अल्पवयीन मुलाने आईच्या खात्यावरील १० लाख उडवले

पुणे प्रतिनिधी:

पब्जी गेमनं कित्येक मुलांची व घरांची वाट लावली आहे. तरी या मुलांचा पब्जीचा नाद काही सुटत नाही.अनेक पालकांनी मुलांना ऑनलाइन लेक्चर करण्यासाठी मोबाईल घेऊन दिले आहेत. मात्र मुले त्याच्यावर तासनतास पब्जी गेम खेळत आहे. व त्यातून पालकांचे मोठे नुकसान होत आहे.

जोगेश्वरीमध्ये राहणाऱ्या १६ वर्षांच्या मुलाला पब्जी खेळण्याचं अक्षरशः व्यसन होतं. पब्जी खेळता खेळता त्यानं आई वडिलांच्या अकाऊण्टमधून तब्बल १० लाख रुपये खर्च केले पैसे संपल्यावर मुलगा घाबरला. तो घर सोडून पळून गेला. व जाता जाता त्यानं चिठ्ठी लिहिली. जोपर्यंत मी कमवत नाही, तोपर्यंत परतणार नाही. या बाबत मुलगा अल्पवयीन असल्यानं पोलिसांना अपहरणाचा संशय आला व त्यानी त्याचा शोध सुरू करत या मुलाला पोलिसांनी १२ तासांच्या आत शोधून काढत त्याचं काऊन्सिलिंग करुन त्याच्या आई वडिलांकडे सोपवलंय.

हा मुलगा अभ्यासासाठी आईचा मोबाईल वापरायचा. तो पब्जी खेळू लागला. विविध टास्कच्या नादात त्याने आईच्या मोबाईलमधून अकाऊण्टमधले तब्बल १० लाख खर्च केले. त्यामुळे खात्याला मोबाईल नंबर लिंक असेल तर पालकांनो काळजी घ्या. वारंवार अकाऊण्ट डिटेल्स चेक करत राहा. पब्जीनं अनेक घरांचं वाट्टोळं केलंय. ती वेळ तुमच्यावर येऊ नये, असं वाटत असेल तर मुलांवर नीट लक्ष ठेवा.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.