त्या सावकारावर गुन्हा दाखल. मंचर पोलिसांची मोठी कारवाई.

मंचर प्रतिनिधी :

अवसरी ता. आंबेगाव येथील गंगाधर दगडू गाडे यांचेवर सावकारी अधिनियम २०१४ च्या कलम ३९ अन्वये गुन्हा दाखल!

पुणे जिल्ह्यात अवैध सावकारीतून अनेक गुन्हेगारी कृत्य झाले असून अलीकडेच जामिनावर बाहेर असलेल्या एका सावकाराने वसुली साठी एकाचे अपहरण करून त्यास पेटवून दिले. या पार्श्वभूमीवर पुण्याचे पोलीस अधीक्षक डॉ. अभिनव देशमुख यांनी ग्रामीण पोलीस दलाला, सावकारांची गय करू नये अशा सूचना दिल्या होत्या. अशातच पुणे जिल्ह्यातील आंबेगाव तालुक्यात अवसरी येथील एका अवैध सावकाराच्या मंचर पोलिसांनी मुसक्या आवळल्या आहेत.

याबाबत सविस्तर वृत्त असे की, नारायणगाव ता. जुन्नर येथील सुरेश मांदळे व अशोक तिवारी यांनी अवसरी ता. आंबेगाव येथील गंगाधर दगडू गोरे यांच्या विरोधात मंचर येथील सहकारी संस्थांचे सहाय्यक निबंधक यांचेकडे तक्रार केली होती. तद्नंतर पोलिसांच्या सहकार्याने सहाय्यक निबंधक कार्यालयातील पी. एस. रोकडे, एस. जी. लाडे, चौधरी आदि अधिकाऱ्यांसह दोन पंचांनी अवैध सावकार गोरे यांच्या घरी धाड मारून सह्या केलेले कोरे धनादेश, कोरे स्टॅम्प पेपर, रेव्हेन्यू स्टॅम्प, पैसे हस्तांतरणा संदर्भात काही कागदपत्र ताब्यात घेऊन त्यांची तपासणी केली. तेव्हा गोरे कुठलाही परवाना नसताना अवैध सावकारी करत असल्याचे निष्पन्न झाले.

गोरे यांच्या अवैध सावकाराची खात्री पटल्यानंतर सहाय्यक निबंधक कार्यालयाच्या वतीने मंचर पोलिसांत फिर्याद देण्यात आली असून, संबंधित सवकारावर सावकारी कायदा २०१४ च्या कलम ३९ अनुसार गुन्हा दाखल केल्याचे वृत्त असून पुढील तपास मंचर पोलीस करत आहेत.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

वळतीमध्ये शिवराज्याभिषेक सोहळा उत्साहात संपन्न

वळती (विनायक लोंढे) ता. ६ : छत्रपती शिवाजी महाराजांचा राज्याभिषेक सोहळा महाराष्ट्रात, देशात नव्हे तर संपूर्ण जगभरात पोहोचावा, या दृष्टीकोनातून अनेक कार्यक्रमांचे आयोजन केले जाते. वळती गावामध्ये छत्रपती शिवाजी महाराज यांच्या अश्वारूढ स्मारकाचे पूजन करून, पुष्पहार अर्पण करण्यात आला तसेच ग्रामपंचायत कार्यालयावर विजयाची गुढी उभारून शिवराज्याभिषेक सोहळा साजरा करण्यात आला. प्रसंगी 'छत्रपती शिवाजी महाराज की जय', 'जय भवानी, जय शिवाजी' ह्या घोषणा देऊन मान वंदना देण्यात आली. महाराजांच्या कार्याचे स्मरण करून त्रिवार वंदन करण्यात आले. छत्रपती शिवाजी महाराजांच्या राज्याभिषेकाचे यंदा ३५० वे वर्षे आहे. ह्या ऐतिहासिक दिनानिम्मित आनंदोत्सव साजरा करण्यासाठी आंबेगाव तालुका खरेदी विक्री संघांचे संचालक बाळासाहेब बोऱ्हाडे, सरपंच आनंद वाव्हळ, उपसरपंच तेजस भोर, ग्रामसेविका ज्योती वेताळ, मा. सरपंच वामन वाळुंज, कार्यकारी सोसायटीचे मा. अध्यक्ष गणपत लोंढे, यात्रा कमिटी उपाध्यक्ष बाळासाहेब शिंदे, विकास कार्यकारी सोसायटीचे संचालक निलेश भोर, मा. तंटामुक्ती समितीचे अध्यक्ष बाबाजीराजे भोर, उद्योजक ...

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.