गणेश गावडे यांची शासकीय आश्रमशाळा संघटनेच्या ठाणे विभाग अध्यक्षपदी निवड

घोडेगाव प्रतिनिधी:

आदिवासी विकास आश्रमशाळा शिक्षक व कर्मचारी संघटना घोडेगावचे अध्यक्ष गणेश गावडे यांची आदिवासी विकास आश्रमशाळा शिक्षक व कर्मचारी संघटना (सीटु) महाराष्ट्र राज्य, यांच्या ठाणे विभाग प्रमुखपदी निवड करण्यात आल्याची माहिती राज्य अध्यक्ष डॉ. डी. एल. कराड यांनी दिली. दि. १० एप्रिल 2021 रोजी झालेल्या राज्यस्तरीय बैठकीत हा निर्णय घेण्यात आल्याचे त्यांनी सांगितले.

गणेश गावडे हे खेड तालुक्यातील कोहिंडे खुर्द येथील माध्यमिक आश्रमशाळेत मुख्याध्यापक पदी कार्यरत असून दुर्गम भागातील आदिवासी मुलांमुलींना शिक्षणाच्या प्रवाहात आणून विद्यार्थ्यांच्या उन्नतीसाठी उल्लेखनीय काम करत आहेत. आश्रमशाळा आधुनिक दृष्ट्या प्रगतीपथावर घेऊन जाण्यासाठी त्यांनी विशेष परीश्रम घेऊन शाळेला आयएसओ मानांकन प्राप्त करून दिले. याप्रसंगी आदिवासी विकास विभाग आश्रमशाळा शिक्षक व कर्मचारी संघटना महाराष्ट्र राज्याचे सरचिटणीस प्रा. बी. टी. भामरे, राज्य कार्याध्यक्ष एस. जे. शेवाळे, घोडेगाव प्रकल्प उपाध्यक्ष दादासाहेब सितापुरे, कार्याध्यक्ष पांडुरंग माळी, उपाध्यक्ष बाळासाहेब शिंदे, सचिव चंद्रकांत नाईकडे, सहसचिव नवनाथ भवारी, जीवन वाडेकर, बी. बी. शिंदे आदी उपस्थित होते.

पॉप्युलर

आम आदमी पक्षाचे सालीम इनामदार पोलिसांच्या ताब्यात

मंचर नगरपंचायतीच्या माध्यमातून होऊ घातलेल्या विकास कामांचे बल्क टेंडर ला आम आदमी पक्षाच्या वतीने विरोध असून, याबाबतचे निवेदन उपमुख्यमंत्री अजित पवारांना देण्याच्या तयारीत असणाऱ्या आम आदमी पक्षाचे पुणे जिल्हा संघटक सालीम इनामदार यांना पोलिसांनी ताब्यात घेतले आहे. सालीम इनामदार यांनी काही दिवसांपूर्वी मंचर नगर पंचायतीला निवेदन देऊन या गोष्टीला विरोध केला होता, मात्र नगर पंचायतकडून कुठलाही प्रतिसाद मिळत नसल्याचा आरोप करत, त्यांनी थेट उपमुख्यमंत्री अजित पवारांनाच याबाबतचे निवेदन देऊन निषेध करणार असल्याचे बोलले जात होते. जुन्नर तालुक्यात उपमुख्यमंत्री अजित पवारांचा झालेला निषेध आणि तणावाची परिस्थिती पाहता इनामदार यांना पोलिसांनी ताब्यात घेतले असल्याचे बोलले जात आहे.

धक्कादायक : देवगाव येथील घोडनदी पात्रात महिलेचा मृतदेह

समर्थ भारत वृत्तसेवा लाखणगाव (विजय कानसकर) ता. २७ : देवगाव (ता. आंबेगाव) येथील घोडनदी पात्रात आज सकाळी ९:३० च्या सुमारास मच्छीमारी करणाऱ्या व्यक्तींना पाण्यावर महिलेचा मृतदेह तरंगत असलेला आढळून आला. त्यांनी सदर घटना तातडीने देवगावच्या सरपंच दिपाली खांडगे व उपसरपंच दिलीप दाभाडे यांच्या निदर्शनास आणून दिली. यानंतर सरपंच, उपसरपंच आणि ग्रामस्थांनी तातडीने घटनास्थळी धाव घेत पारगाव पोलीस ठाण्यात कळविले. पारगाव पोलिसांनी घटनास्थळी भेट देऊन स्थानिक मच्छीमारांच्या सहकार्याने मृतदेह पाण्याबाहेर काढून मृतदेहाची ओळख पटविण्यात आली. सदर अज्ञात महिला पिंपरखेड (ता. शिरूर) येथील असल्याचे समजले. त्यानुसार नातेवाईकांना बोलावून मृत देहाची ओळख पटविण्यात आली.

तीन गुन्ह्यांतील सराईत मंचर पोलिसांच्या ताब्यात

प्रतिनिधी आनंद नेटके : गुढी पाडव्यानिमित्त मंगळवारी (दि. ९) मंचर शहरातील बजरंग दलाचे वतीने मिरवणुकीचे आयोजन केले होते. मिरवणुकीसाठी योग्य तो बंदोबस्त लावण्यात आलेला होता. मिरवणुक बंदोबस्त चालु असताना रात्री ९ च्या सुमारास मंचर पोलीस स्टेशनचे पोलीस निरीक्षक अरूण फुगे यांना बातमीदारामार्फत बातमी मिळाली की, मंचर पोलीस स्टेशन व खेड पोलीस स्टेशनचे गुन्हयातील फरारी सराईत आरोपी शुभम सुभाष तोत्रे (रा. पॅराडाईज सोसायटी, मंचर) हा मंचर येथील लक्ष्मीरोड येथे येणार आहे. अशी खात्रीशीर बातमी मिळाल्याने पोलीस निरीक्षक अरूण फुगे यांनी लागलीच मिळालेल्या बातमीचा आशय सहाय्यक पोलीस निरीक्षक बालाजी कांबळे, पोलीस हवालदार एस.एन. नाडेकर व मंचर पोलीस स्टेशन स्टेशनचे गुन्हे शोध पथकाचे, पोलीस अंमलदार अविनाश दळवी, पोलीस अंमलदार अजित पवार, पोलीस अंमलदार योगेश रोडे यांना सांगितल्याने सहा पोलीस निरीक्षक कांबळे व सोबतचे पोलीस स्टाफने लक्ष्मी रोड येथे जावुन सापळा लावुन थांबलेले असताना रात्रौ ९.३० च्या सुमारास शुभम तोत्रे हा लक्ष्मी रोड येथे मिरवणुकीच्या गर्दीत दिसला. शुभम तोत्रे याला पोलीसांची चाहुल लागताच तो पळुन...