इंदापूर(प्रतिनिधी):- संचारबंदी व लॉक डाऊनलोड असल्याने उजनी जलाशय परिसरातील मच्छिमारांना मोठ्या संकटाला सामोरे जावे लागत आहे.या मच्छीमारांचा सर्वे करून,इंदापूर तालुका महाराष्ट राज्य मराठी पत्रकार संघाने जीवनोपयोगी वस्तूंचे व धान्याचे वाटप केल्याने,खऱ्या अर्थाने मच्छीमारांना आधार मिळाला असे गौरवोद्गार भिगवण पोलिस स्टेशनचे सहाय्यक पोलीस निरीक्षक जीवन माने यांनी काढले.
महाराष्ट्र राज्य मराठी पत्रकार संघ इंदापूर तालुका व शहर ग्रामीण मराठी पत्रकार संघ इंदापूर तालुका यांच्या वतीने गरीब,गरजू व मच्छीमार कुटुंबियांना मोफत अन्नधान्याचे व वस्तूंचे किट वाटप पुणे जिल्हा परिषद सदस्य हनुमंत (नाना)बंडगर व सहाय्यक पोलीस निरीक्षक जीवन माने साहेब,महाराष्ट्र राज्य मराठी पत्रकार संघ इंदापूर तालुका अध्यक्ष नीलकंठ मोहिते यांच्या हस्ते इंदापूर तालुक्यातील कुंभारगाव येथे सोमवार(ता.२७ एप्रिल)रोजी संपन्न झाला.यावेळी सहाय्यक पोलीस निरीक्षक जीवन माने मच्छीमारांना मार्गदर्शन करीत होते.
यावेळी महाराष्ट्रातील मराठी पत्रकार संघाचे ज्येष्ठ मार्गदर्शक मधुकर गलांडे,मुख्य सचिव सागर शिंदे उपाध्यक्ष जिल्हा प्रसिद्धीप्रमुख सोमनाथ ढोले,रामदास पवार,निखिल कणसे,शिवाजी पवार,शिवकुमार गुणवरे, दत्तात्रय गवळी,कुंभारगावच्या सरपंच जयश्री धुमाळ,दत्ता नगरे,नानासाहेब मारकड,नितीन चितळकर,दादासाहेब थोरात,काशिनाथ सोलनकर,सिताराम नगरे, प्रेस फोटोग्राफर अक्षय आरडे,राजेंद्र भोसले यांच्यासह पत्रकार संघाच्या पदाधिकारी उपस्थित होते.
पुढे बोलताना सहाय्यक पोलीस निरीक्षक जीवन माने म्हणाले की,फिरस्ती व्यापार करणाऱ्या कोणत्याही व्यापाऱ्याने इंदापूर तालुका सोडून दुसऱ्या तालुक्यात खरेदी-विक्री मालाची करण्यासाठी जाण्याची गरज नाही.करोणा हा दुर्धर आजार संसर्गाने होत आहे. त्यामुळे उगीच फिरण्याची रिस्क कोणत्याही व्यापाऱ्याने घेऊ नये,इंदापूर तालुका पत्रकार संघाच्या माध्यमातून गरीब गरजू लोकांना हक्काचा घास मिळतो आहे. त्यामुळे पत्रकार संघाचे कार्य कौतुकास्पद आहे. संचारबंदी असल्यामुळे गावाच्या हद्दीतून किंवा रस्त्यावरती विनाकारण फिरण्याचे धाडस दाखवू नका. आपल्या आरोग्याला सांभाळा,काळजी घ्या असे आवाहन सहाय्यक पोलीस निरीक्षक जीवन माने यांनी केले.यावेळी पुणे जिल्हा परिषदेचे सदस्य हनुमंत बंडगर तसेच पत्रकार संघाचे जिल्हा प्रसिद्धीप्रमुख सोमनाथ ढोले व ज्येष्ठ मार्गदर्शक मधुकर गलांडे यांनी करोना यासंदर्भात खबरदारी यासंबंधी मार्गदर्शन केले.
कुंभारगाव(तालुका इंदापूर)येथील मच्छीमारांना महाराष्ट्र राज्य मराठी पत्रकार संघाच्या वतीने जीवनोपयोगी वस्तूंच्या किटचे वाटप करताना सहाय्यक पोलीस निरीक्षक जीवन माने व मान्यवर.