फेसबुक वर ओळख करून वारंवार गप्पा मारून व्यवसायानिमित्त बोलायचे आहे आपण बाहेर भेटू असे म्हणत नाशिक येथील व्यक्तीला भेटायला बोलावून त्याला साथीदारांच्या मदतीने जबर मारहाण करत त्याला लुटण्याचा प्रकार मंचर पोलीस ठाण्याच्या हद्दीतील कळंब येथे घडला आहे याबाबत त्या व्यक्तीने आळेफाटा पोलिस ठाण्यात फिर्याद दाखल केली असून पुढील तपास मंचर पोलिस करत आहेत.
याबाबत मंचर पोलिसांनी दिलेल्या माहितीनुसार सुधीर मोहनराव सातपुते (वय ४३ व पंचवटी, नाशीक) या व्यक्तीची २० दिवसांपूर्वी पुजा पाटील नावाच्या महिलेशी फेसबुकवर ओळख झाली होती त्यांच्यात वारंवार गप्पा होत होत्या फिर्यादी नोकरी करत मोकळ्या वेळेत मार्केटिंगचे काम करत होता.दिनांक २८/२/२०२० रोजी दुपारी १२:३० वा चे सुमारास महिलेने फेसबुकवर मेसेज करुन आपण उदया व्यवसायाच्या कामासाठी भेटुया तुम्ही नाशीकपासुन अर्ध्या अंतरावर या मी पुणे पासुन अर्ध्या अंतरावर येते त्यानंतर दिनांक २९/२/२०२० रोजी सकाळी महिलेने फेसबुकवर मेसेज करुन आपऩ सकाळी ११ वा चे दरम्य़ान भेटु असे सांगितले त्यानंतर दुपारी फोन करुन सांगितले की मी पुणे वरुन निघाले आहे .त्यानंतर फिर्यादीने ५:३० वा चे दरम्यान तिला फोन करुन विचारले की कुठपर्यंत आलात असे विचारले असता महिलेने मी रस्त्यात आहे असे सांगितले त्यानंतर परत फिर्यादीने त्यांना सायंकाळी मेसेज करुन सांगितले की तुम्हाला वेळ लागत असेल तर तुम्ही जेथे असाल तेथुन परत जा त्यानंतर महिलेने फोन करुन मी नाराय़णगाव जवऴ रोडच्या कडेला गाडी उभी करुन थांबले आहे तुम्ही या असे सांगितले असता फिर्यादी रात्री ९ वा चे दरम्यान नारायणगावच्या पुढे २ किमी अंतर गेल्यावर त्याला एक स्वीफ्ट गाडी उभी असलेली दिसली.
त्याठिकाणी तो गाडीतून खाली उतरला असता स्वीफ्ट गाडीमधुन तीन इसम खाली उतरले व त्याला फिर्यादीच्या गाडीत अल्टो ८०० नंबर एम.एच.१५ इ.एक्स.१०३६ गाडीमध्ये बसविले व तु आमचे बहीणीबरोबर फेसबुकवर ओळख करुन तिला त्रास देतो असे म्हणुन मारहाण करत व खिशातील ४ हजार रुपये , सँमसंग व एम.आय.कंपनीचे दोन मोबाईल तसेच डेबीट व क्रेडीट कार्ड,आधारकार्ड इ काढुन घेतले त्यानंतर गाडी पुण्याच्या दिशेने नेऊन भोसरीच्या जवळ एका निर्जन ठिकाणी उभी करुन फिर्यादिस मारहाण करत आम्हाला पंधरा लाख रुपये दे नाहीतर आमचे बहीणीला त्रास देतो अशी तुझ्याविरुद्ध पोलीसात खोटी तक्रार देवु असे म्हणाले पूर्ण रात्रभर फिर्यादिस गाडीत फिरवुन वेऴोवेऴी हाताने ,राँडने मारहाण करुन चटके देवुन पैशाची मागणी केली दुसऱ्या दिवशी सकाळी ते फिर्यादीस मारहाण करत असताना तो त्यांना झटका देवुन पळुन गेला व जवळील बारामती शहर पोलीस ठाण्यातील पोलीसांना घेववुन त्या ठिकाणी गेला असता तेे तीन इसम गाडी घेवुन तेथुन पळुन गेले होते.नंतर फिर्यादीने आळेफाटा पोलीस ठाण्यात फिर्याद दाखल केली असून घडलेला गुन्हा मंचर पोलिस ठाण्याच्या हद्दीत घडल्याने तो मंचर पोलीस ठाण्याकडे वर्ग करण्यात आला आहे पुढील तपास मंचर पोलीस ठाण्याचे पोलीस निरीक्षक कृष्णदेव खराडे करत आहेत.